Gune senî beno sebebê kufrî

(Kullîyatê Rîsaleyanê Nurî ra)

… gune gama ke bikewo qelb, gam bi gam ey sîya keno, heta ke nurê îmanî tira vejo, ey wişk û wad (bêrehm) keno. Mîyanê her yew guneyî de yew rayîr est o ke kê bîşono/ beno kufir. Eke o gune lezkanî îstîğfar reyra berteraf nêbo, sey yew karmî ney, belkî sey yew maro qijkeko manewî qelbî gaz keno.

Ma vajî, yew merdim, guneyêko ke rîyê kê pê dejeno, bi pinanî bikero, gama pêhesîyayîşê kesîna ra zaf xo ver bikewo, estbîyayîşê melekan û ruhanîyan ey rê zaf giran yeno. Qayîl o yew delîlo qijkek reyra înan înkar bikero.

Hem ma vajî, merdimo ke yew guneyo pîlo ke cezayê ey Cehenem o bikero, herçiwext tehdîdanê Cehenemî bieşnawo, eke nêdekewo (xo nêfîno) daldeyê îstîğfarî, [yanî vera ay guneyî, tewbe-îstîğfar nêkero], semedo ke can û ruhê xo reyra çinbîyayîşê Cehenemî wazeno, yew delîlo qijkek û yew şik, cesaret dano ey ke Cehenemî înkar bikero.

Hem ma vajî, yew merdimo ke semedê yew qusurê xoyo qijkekî, gama yew sermênê xoyo şenik ra îqazêk bieşnawo, xo pê bibajno/ biqeherno, ay merdimo winasî, eke nimajê xoyê ferzî nêkero û wezîfeyê evdîtîya xo ca nêaro, vera ferzan û emranê pêdimayan yê Sultano Ezel û Ebedî yew tembeley bikero, na yew sixintîya pîle dana ci û a sixintî ra qayîl o û xo bi xo (manen) vano ke: “Werrekîna o wazîfeyê ubûdîyetî çin bibîynî.” Û no waştişî ra yew qayîlbîyayîşê înkarî destpêkeno ke seke tira manewî boya dişmenîya îlahîyî kerdişî bêro. Eke derheqê wicûdê îlahîyî de yew şik bidekewo qelb, seke qet’î yew delîl bo, mêl bere keno. Yew berê helako pîl ci rê beno a. O bedbext nêzano ke, bi wasitayê înkarî, herinda yew sixintîya gelek qijkeke [ke] –wazîfeyê ubûdîyetî– [ra yena] înkar de, a sixintî ra mîlyonan ra vêşêr û dahîna muthîş, hedefê sixintîyanê manewîyan beno (xo hedefê zerrtengîya manewî keno). Pededayîşê meysi ra remeno pededayîşê marî qebul keno.

Û hakeza… Wa nê heme hîrê mîsalan reyra bêro pêveronayîş ke, sirrê “bel râne gelâ qulûbîhîm” fehm bibo. [yanî Qelbê înan sero cengar(o ke guneyan ra peyda bîyo) est o.]  (Nukteyo Yewin yê Lem’aya 2. ra)

 

Bedîûzzeman Seîd Nûrsî

Açarnayox: Serdar Bedirxan

 

Vajnameyeko Kirdkî-Tirkî

 gune: günah

îstîğfar: Allah’tan günahlarının bağışlanmasını isteme, tövbe etme

kê: kişi, şahıs, insan

xo ver kewtene: utanmak

wazîfeyê ubûdîyet: kulluk görevi

qet’î: kesin

bedbext: talihsiz, kötü şanslı

hakeza: bunun gibi

nukte: derin ve ince, anlamlı söz

lem’a: parıltı, parlaklık