Bajar: Duhok

Duhok: Li devera Badînan a başûr û ji bajarên herî mezin ên Kurdistanê ye ku nêzîkî 1.000.000 kes tê de dijîn. Bajarekî ku sê aliyên wê çiyayên bilind in; li bakur çiyayê Spî, li başûr çiyayê Dehkan (Şindox), li rojhilat çiyayê Mamsîn û li rojava deşta Sêmêlê ye ku ji bo çandina dexil, dan û dikakî axeke zêrîn heye.

Ji wan şûnwarên, ku li dorûberên bajar hene, xuya ye ku Duhok pir kevn e. Di berê de û di demê dewleta Nozî de, mîrê bajarê ku digotinê Axşindo, li Girêbasê, baca rê li ser karwaniyan dadina û ji her barî du mist digirtin. Navê bajar jî, ji hindê peydabûye. Du hok, anku du mist.
Li Duhokê digel navceyên wê Zaxo, Amedî, Sêmêl, Şêxan û gundên wê 1,5 milyon lê dijîn. Piraniya wan misilman in û kêmîneyên êzidî û filehan jî hene.

Du çem di nav bajar de diçin. Yê yekê çemê Duhokê ye, ji jora bajar, ku serekaniya wî, li nêzîkî gundê Xazyava dizê û yê duyê jî, biçûktir e, navê wî, Hişkerû ye, ku serekaniya wî, ji rojhelatê bajar, li nêzîkî gundê Berêbuharê dizê. Li ser çemê Duhokê, berî bigehî gelî, sikreke avê hatiye çêkirin. Dûra herdû çema, ku di nav bajar de diçin, bi baxçe û dehlên fêkî: hinar, mişmiş, sêv, tirî, hirmîka xemlandi ye.
Li bakurê Duhokê keleha Firun e. Rojhelat keleha Şedayê, li başurê çiyaye Reş e.