Meyrik (Meyrem Kurtyolu) derdora 1933–1936/39’an de li gundên Bazarcixê (Kurtdere / Çawirme û derûdor) ji dayik bûye. Bavê wê Bîlal/Bîlo) di leşkeriyê de li Qersê mirî ye. Ew bi pismamê xwe Qadir re zewiciye. Piştî salan bêzarokbûn û zextên malbatê, di havîna 1963’an de li yaylaya Engizekê (Kortê Çawirme) ji nexweşiya veremê (xwîna gûlgûlî) mirî ye. Cenazeya wê bi zehmetî ji yaylayê hat xwarê û li gund hat defnkirin.
Kilam û çanda dengbêjiyê
Kilama orîjînal bi Kurmancî ye û ji aliyê halaya Meyrikê (Nannê) ve hatibû gotin; ew heya du mehan li ser wê giriya ye û stran li ser gotiye. Mersiye behsa bêbavbûna wê, bêzarokbûnê, bedewiya wê, rêyên koçeriyê û êşa jiyanê dike. Paşê ev kilam bi navê “Meyrik” li nav gel belav bû û bi tirkî jî (bi destê Aşık Ali Nurşani û yên din) navdar bû. Gelek dengbêj û hunermend Şivan Perwer, Nilüfer Akbal û hwd. Bi weryantên din xwendine.
Wateya çandî û civakî
Strana Meyrik bi taybetî yên bêzarok, hatine kirin. Kilam hem êşa ferdî hem jî êşa civakê nîşan dide: mirina ciwan, bêzarokbûn, gotinên derdorê û sînorên ku jinên wê demê di nav de dijiyan. Di çanda Kurdan de girîn û kilamên weha hêmanên girîng ên bîr û hunerê ne; ew dîrokê, êşê û berxwedanê diparêzin.
“Xeber hat ji Meraşê, dibêjin Meyrik miriye…” straneke klasîk e û mirina Meyrika Bazarcixî (Pazarcık, Maraş/Mereş) vedibêje:
Xeber hate ji Mereşê
Xeber hate ji Mereşê
Halê Meyrik pir nexweş e oy oy…
Li Hekimê Loqman geryam
Li Hekimê Loqman geryam
Pey min hat xebera reş e oy oy…
Oy Meyrik Meyrik Meyrik
Ez heyrana te me Meyrik
Ez qurbana te me Meyrik
Hey wax li min Meyrik mirî
Hey wax li min Meyrik mirî
Mereş ket nav şîn û girî oy oy…
Gelî dostan loma nekin
Gelî dostan loma nekin
Xudê nede serê kesî oy oy…
Oy Meyrik Meyrik Meyrik
Qurbana te rabe Meyrik
Dinya bê te nabe Meyrik oy
Oy Meyrik Meyrik Meyrik
Ez heyrana te me Meyrik
Ez qurbana te me Meyrik
Guhertoya jor jî ji wê mersiyê derketiye û bûye straneke klasîk a Kurmancî.
Mêrê Meyrikê, Evdilqadir (Qadir) Kurtyolu niha sax e û 94 salî ye.
Gotara berê: Tu dixwazî bila Ehmedê Xanî mamosteyê te be?
