Ji bo ku weko nîvekî tu bi nîvekî din re bibê yek
dibê hemî pêjnên li dor te dihêwirin
Dê û bavên te
heval û hogirên te
civak û ola te
Giş hajî gava te hebin
Lê heya ku ew tev agahdar dibin
Û erê kirina hemiyan
Li ser rûpel û belgeyan têne komkirin
Tu ji dobareya lavên razîbûnê Sist dibê
Vîna laşê te Lawaz dibê
Zimanê xwastekê Lal dibê
Coş û amade bûna derûniya te
Bi ser de
Alava Hesitên te yên pîjokiyî jî
ji bendewariyê sar dibê
Û li dawiya xelekê
Wek ku çawa karwanên koçeran li dawiya buharê
ji zozanan bi dilekî sar dadıgerın
Wêneyên regezî jî
ji meydana Govdê te
bi êş û kuzûr
hêdî hêdî bardikin.
_____________________
Pîjokî: yanê regezî, siksî.
MAJÊD A MIHEMED
Gotara berê: Ramanên Seîdê Kurdî Di Derbarê Jinan De
Gotara piştî: Dersên Kurmancî (11)
Gotarên Têkildar
Kurteya Romana ”Hinara Dawî ya Dinyayê” ya Bextîyar Elî
Giringiya edebiyatê di struktura netewî de tiştekî zêde zêde mezin e
