ÇandName Li pey şopa bav û kalan…
Weşanxaneya Nûbiharê Salnameya Kurdî (Kurmancî) ya sala 2026ê bi xwîneran re parve kir. Ev salname bi formata takvîma pelpelî ya kevneşopî hatiye amadekirin û bi dewlemendiya naverokê û aliyê xwe yê çandî balê dikşîne.
Li rûyê piştî yên takvîma pelpelî ya Nûbiharê; agahiyên dînî, biyografiyên kurt ên kesayetên navdar ên Kurd û cîhanê, hilbijartinên ji edebiyata cîhanê, bûyerên dîrokî yên girîng, çîrokên xweş yên Kurdî û helbestên klasîk ên edebiyata Kurdî cîh digirin. Li rûyê pêşî yên takvîmê jî gotinên pêşiyan, gotinên vecîz, agahiyên “di dîrokê de îro”, meala ayet û hadîsan û demên nimêjê yên bajare hene.
Bi Salnameyê re her weha 8 qapaxên kartonî yên cuda tên pêşkêşkirin ku tê de wêneyên nav û cihên ku li dîrok û çanda Kurdî yên bihêz hiştine cîh digirin. Di van qapaxan de wêneyên Ehmedê Xanî, Şêx Seîd, Medresa Sor (Cizîr), Qesra Îshaq Paşa (Bazîda/Doğubayazıt), Bediüzzaman Saidê Kurdî, Selahaddînê Eyyûbî û Şerefxanê Bedlîsî yên li gel wan jî, di dizaynek taybet de, pênc edîbên Kurd: Ehmedê Xanî, Melayê Cizîrî, Feqiyê Teyran, Melayê Bateyî û Baba Tahirê Uryan bi hev re cîh digirin.
Salnameya Nûbiharê ya 2026ê ku bi Kurdî (Kurmancî) hatiye amadekirin, ji rêya malpera fermî ya serhêl a Nûbiharê an jî li her bajarê ji Nûbihar Komelê û nûnerên kovara Nûbiharê tê temînkirin
