Romana “Otobûsa Kesk”

Romana “Otobûsa Kesk” ya nivîskar Jan Dost e û ji weşanên Ramina derketiye.

Xelk ji taxên hilweşiyayî kom bi kom û tekatek dihatin û li wesayitekê digeriyan ku wan bigihîne hema çi deverê be. Ya pêwîst li ba wan ew bû ku bi saxî ji taxên xwe derkevin. Taxên wan êdî rojên dawiyê de bûbûn dojeh û ew li warekî dojehbûna wî hinekî kêmtir be digeriyan. ew li cihekî digeriyan ku bi kêmanî mirin tê de hinekî erzantir û hêsantir be, ew daxwaz jî wan rojan bûbû daxwaza herî mezin ya xelkên rojhilatl helebê.