Qîrîna Mirinê

mirin, di hemû zimana de yek wate ye: êş
rengê hemû mirinan wek hev e: reş

QÎRÎNA MIRINÊ

dem dema agir û pet
ji pozê dîrokê barût difûrî
xwîn diherikî ser kezeba rojê
zeman, di dilê xemê de rawestiyabû
pênûs û nivîskar kor
dinya ker û lal
erd û ezman bêdeng
nebat bêdeng
ajal bêdeng
însan bêdeng
tenê dengê mirinê dihat
tenê qîrîna mirinê
ji kolanê Halebce
tenê qîrîna mirinê dihat
tenê qîrîna mirinê

 ji Halebce
Qudbedîn Kerboranî
21.12.2013