ÇandName Li pey şopa bav û kalan…
Hûn bi xêr hatin Podcasta Jinên Kurd (Kurdish Women Podcast).
Di van rojên reş û nexweş de armanca me avakirina platformeke podcastê ye ku pê re jinên Kurd bikaribin deng û awazên xwe bigihînin qada navneteweyî û bi xemla xwe ya dîrokî jî qadê bixemilînin.
Podcasta Jinên Kurd, dixwaze li seranserê cîhanê bibe tevnek ji bo jinên kurd û pê re jî têkiliyên xurt di navbera jinên Kurd û jinên cîhanê de ava bike.Wekî tê zanîn li seranserê cîhanê medya bi piranî li ser pergaleke mêrane tê birevebirin û tenê çîrokên bijartî tên vegotin. Lê wekî birîqîna stêrkekê di nava tariyê de ew ê xebat û hewlên me ji bo kêmkirin û lawazkirina vê pergalê be, em ê ne tenê ji bo jinên Kurd, ji bo hemû jinên cîhanê deng derxin û bidin derxistin.
Herwiha em ê podkasterên jin di vî warî de perwerde bikin û ji wan re bibin platformeke nû.Em di vê baweriyê de ne ku parvekirinên ji çîrokên jinên Kurd ew ê hêzê bide jinên cihanê û ew ê bibe sembola ragihandineke xurt di navera jinên Kurd û jinên cîhanê de.
Nivîs ji Kovara Kubarê hejmara 4an hat standin
