Yekşem , 9 Gulan 2021

Newepel de Nuştoxê Neweyî

Hûmara 96. ya Newepelî bi muhtewayêka dewlemende vejîya. Bi na hûmare rojnameyê yewin yê safî bi kirdkî Newepelî şeş serrê xwu temam kerdî.

Na hûmare de Hesen Polatî derheqê Necmedîn Buyukkayayî de nuşto. Aydin Baturî mintiqaya Çewlîgî ra di koyî dayê şinasnayiş. Sedef Kandemir bi yew nuşte û Ümran Düşünsel zî bi yew hîkaye rojname de ca girewto. Newal Nupel Danîmarka de yew komela kurdan ser o û Ferîd Îbrahîm Sevinçî Kitabxaneyê Kongres yê Amerîka ser o nuşto.

Îdrîs Yazarî mintiqaya Mîyaran ra meselaya “Bûz Begê Kemalûn û Xana Dêrûn” arêdaya ke mesela do hûmaranê bînan de zî dewam bikero. Îrfan Sîmserkîsijî fekê Hecî Ehmedê Dêsminî ra yew qesîdeya ke Şêx Silhedînî ser o vajîyaya arêdaya. Meral Güntaş fekê Silê Qicî ra yew deyîre arêdaya. Mesûd Aslanî yew sanike, Bîlal Yakişan, Wesîle Doğuç û Ebdulqadir Necaranijî her yewî yew mesela, Necîbe Kirmizigulzî Sêwregi ra mamikî arêdayê. Mihanî Licokic, Roşan Lezgîn, Mehmed Emen û Abdulah Yakişanî zî bi şîîranê xwu na hûmara rojnameyî xemilnaya.

Nînan ra teber, nuşteyê edîtorî, çend xeberê muhîmî, tarîfê werdî, xaçepers, nameyê nebatan û ferhengek rojnameyî temam kenê.

Nuştoxanê na hûmare ra Sedef Kandemir, Newal Nupel, Ferîd Îbrahîm Sevinç û Meral Güntaş reya verên a ke Newepel de dest bi nuştişê kirdkî kenê.

Zazakî.Net

 

About Çand Name

Avatar

Check Also

Weşangerîya Kurdkî ya Tirkîya de Cayê Kirmanckî

Kilmnus  Tirkîya de kitabê kirmanckî (zazakî) yo tewr verên 1899 de ginayo çap ro. Perîyodîko …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.