Kurdên Xorasanê li ser helbesta kurmancî axivîn

candame Agahîyên Nû Leave a comment 853 Views

Li parêzgeha Bakurê Xorasanê Bucnûrdê li Îranê ku lê gelek kurdên kurmancîaxêv hene, roja înê panelek li ser helbestên kurmancî hat lidarxistin. Mamoste Elîriza Sipahî Layîn û nivîskar û weşanger Yehya Elewîferd wekî panelîst tevlî panelê bûn.

Panel li ser wezn û melodiya helbestên kurmancî bû. Panela ku ji alî Hesen Roşan û Howzeya Hunerî ve hatî birêkxistin kirin bi du danan hate birêvebirin.

Danê sibehê Mamoste Elîriza Sipahî Layîn li ser ziman û pê re têkildar helbestê sekinî. Danê evarê jî nivîskar û weşanger Yehya Elewîferd li ser wezn û melodiya helbestên kurmancî gotarek pêşkeş kir.

Di dawiya bernameyê de, hin şairan helbestên xwe xwendin û helbestên wan ji aliyê beşdaran ve hatin nirxandin.

Hêjayî gotinê ye di van salên dawî de xebatên çandî û hunerî yên turdên li Xorasanê zêde bûne.

Ji Yenî Ozgur Polîtîka hatiye girtin

Nivîskar Faîk Ocal pirtûka xwe ya nû ya Kurdî ya bi navê “Çîrokên Axa Min” çap kir.

Ev pirtûk ji aliyê Weşanên Sîtavê ve hat çapkirin û edîtoriya wê Îsmaîl Dîndar kiriye. Pirtûk ji 60 kurteçîrokan pêk tê. Faîk Ocal ji Semsûrê ye û di vê berhemê de xwendevanan dibe herêma xwe. Di çîrokan de çanda Semsûrê, jiyana eşîra Kosan, xwezaya Çiyayê Spî, kevneşopî, folklor û bîranînên herêmê cih digirin. Di çîrokên “Xweziyên Çiyayê Spî”, “Rêwiyê Çiyayê Spî” û “Hevalê Çiyayê Spî” de Çiyayê Spî derdikeve pêş. Her wiha çîrokên “Giloka Ferêt”, “Pîj”, “Kirkît” û “Teşirêse” çand û mîrata Semsûrê nîşan didin. Ocal tiştên ku li deşta Semsûrê û li Çiyayê Spî dîtine û jiyane, di forma kurteçîrokan de vegotine. Di her çîrokê de bîranîn, hest û êşeke mirovî heye. Taybetiyeke din jî ev e ku hemû çîrok li gorî devoka Kurmanciya Semsûrê hatine nivîsandin. Pirtûkên Kurdî yên Faîk Ocal ev in: 101 Romanên Kurdî (Cilda 1, 2022) 101 Romanên Kurdî (Cilda 2, 2024) 101 Çîrokên Kurdî (2024) Asmîn (2025) 4 Başar 45 Çîrok (2026) Çîrokên Axa Min (2026)