ÇandName Li pey şopa bav û kalan…
Kitêbxaneya kurdî li Stockholmê êdî ketiye rewşeke aborî ya zêde dijwar de û nuha bi kampanyayên piştgîrî ji miletî dixwaze ku yarmetiyê pêşkêş bikin da ku deriyê kitêbxaneyê vekirî bimîne.
Berpirsê kitêbxaneyê, Newzad Hirorî dibêje pareyên yarmetiyê kitêbxaneya kurdî li ser piyan girtiye/hiştiye.
Pirsa aboriyê û tirsa girtina kitêbxaneyê êdî bûye rojana karmendan. Sal bi sal alîkariya ji dezgehên dewletî kêmtir dibe û lêçûn û kiriya ciyê kitêbxaneyê girantir dibe.
Newzad Hirorî dibêje ya em herî dawî hizra wê dikin girtina kitêbxaneyê ye û hîna çend çare hene ku karin alîkar bin, yek ji wan eger kurdên Swêdê şiyar bibin û xwedî li kitêbxaneya kurdî derkevin e.
