Bi Bîr Tê

dûyê cixareya min hilmek ji kesera te

wê rûdêna zêrîn ji asîmanê heftan

bi kenekî zarokane

ji nav xewnên vejane hildigire

û tîne li ber dilê bêzar datîne

 

ji dana rojê tîrêjek berxudarî

ji tenêtiya ne tenê re dibe hevalek mayînde

û naxwaze bi vemirîna cixareyê re

çavên ku li xêzên dûyê aliqîne

ji hilma tîna te ya giyanewer bêpar

bi tena pênûsa hibrşîn bimîne

 

 25 Sibat 2001

Salih Turan

Dayik Bê Roj in

Weşanên Noş

Hezîran 2014