Berbangên hêvîdar dibînim
ku xûz dibim liber çirûskên rojê
jêra xewnên şevên bi xeyalên xizanîyê dibêjim
raperîna di dilê min de, bû ye bahozek ji rêçe şopan
di welatê ku ez tê de,
bêhna belengazîyê jê tê bêhn dikim,
dil nexwazî û xêrnexwazî bihevra gulîyan badidin
carek bejî dixwazim bangê guhdarîya dil bikim
û jixwe bipirse bifikire …
gelo te çend caran peyvan cot kirin di wan kêlîyên dil de
gelo te çend caran hinekan bi xêrnexwazî pêşwazî kir
û te çend caran hinekan bi dilxwazî û dilşadî pêşwazî kir
te çend kevir leqand ji dilên bindest
te çend cara agir berda daristanên dilên bê war
de bifikire carek din …
yek xulekek be jî çavên xwe bigre
û xwe di lêpirsîna bê wijdanîyê de derbas bike
û dinav peravên wijdanê de melevanîyan bike
bibe qaqlîbazek
bibe kewek ..
bibe teyrek
bihejmêre firên baskên xwe ..
bajar bi bajar gund bi gund diber çavên xwe re derbas bike
wê demê hinek be jî tê bixweva werî
û tê bigehîjî serdemek ji kûrahîya dil
carek din tê xwe di kêlîyên lêpirsîna dil de werdî..
Bawer Yekta