Zimanê Kurdî li ser Metayê bi fermî hat naskirin

Meta, yek ji mezintirîn şîrketên medyaya civakî yên cîhanê (Facebook, Instagram, WhatsApp), zimanê Kurdî li lîsteya zimanên fermî zêde kir. Ev pêşketin rê dide bikarhênerên Kurd ku li ser platformê bi zimanê xwe danûstandinan bikin, û bikaranîna peyva “Kurdistan” ji hêla Meta ve jî bal kişandiye ser xwe.

Meta bi fermî zimanê Kurdî (zaravayê Kurmancî) li sîstema xwe zêde kir û di navenda ragihandina bikarhêneran de piştgiriya ziman pêşkêş kir. Ev yek dê bihêle ku bi mîlyonan bikarhênerên Kurd bi rêya Facebook, Instagram û WhatsAppê rasterast bi zimanê xwe bi Meta re têkilî daynin.

Elî Caf, pisporek teknolojiyê û ewlehiya sîber ji Herêma Kurdistanê, piştî zêdetirî salekê ji înîsiyatîfan ev pêşketin ragihand. Caf got, “Niha bikarhênerên Kurd dê bikaribin bi zimanê xwe bi Meta re têkilî daynin. Ev gaveke mezin e ber bi temsîliyeta wekhev a gelê Kurd di cîhana dîjîtal de.”

Hevoka “Kurmancî û gelê Kurd” bal kişand ser xwe

Li gorî Elî Caf got,  ev xwedî girîngiyeke sembolîk e, ji ber ku ew cara yekem e ku pargîdanî peyva “Kurmancî” di nameyên xwe yên fermî de bikar tîne.

Li gorî pisporan, ev pêşketin hem xuyabûna Kurdî li ser platformên dîjîtal zêde dike û hem jî xalek werçerxê di naskirina nasnameya Kurdî de ji hêla pargîdaniyên teknolojiyê yên navneteweyî ve temsîl dike.

Biryara Meta di nav bikarhênerên medyaya civakî de jî dengek mezin veda, ku gelek ji wan piştgiriya zimanê Kurdî wekî “gaveke dîrokî” di warê temsîliyeta wekhev li seranserê platforman de bi nav kirin.