ÇandName Li pey şopa bav û kalan…
em ê li vir derkevin
em ê biçin cihekî dûr cihekî li her tiştî dûr her kesî dûrtir
bê mal û bê pere ji xwe re jiyaneke nû ava bikin
ma ne bes e li van dera di nav xirecîreke bê wate de em xeniqîn
em bê nefes man em bê hiş man
her tişt êdî bê wateye her tişt êdî bê xwestine
kesên dora me wek xeyaletan digerin
her kes wek bûye robot
robotekî bê hest û bê xwestek
tenê ji bo emrê kesên din dixebite û dike
ji xeyalên xwe dûr, ji xwestinê xwe dûr e
rewşa me êdî di nav can dayînê de ye
em di nav sekeratekê de ne
mucîzeyekê digerin
bêçare, bê hêvî mane
em xwe jî nikanine tiştekî bikine
hertişt li ser me de tê
lê em cihê xwe nikanin bilivin
ciwanên me diçin ser hev de diçin
di nav çemekî de bê têkoşîn mane
xeyalên xwe, pêşerojên xwe winda kirine
lê êdî lê nagerine jî
xelasbûnekê digerin,
destekî mucîzewî digerin
xelasbûneke aramî digerin
yên ku rê nîşanî me dikin
xwe jî di rêya şaş da mane
her xelaskar xwe jî dixeniqe
xelaskarên derewîn yên nû her roj derdikevin
lê ew hêvîya mezin li ku ye em li bende wê ne
xelasîya ku em dixwazin
bila şewqa me zêde bike
xwestina me derxe li ser rêya rast
bila hem kurdbûna me bîne bîra me
hem jî dînê me ji destê me nestîne
bila wek kevokekê li ser du baskan be
bila baskekî de dîn
bila baskekî de jî kurdbûna me hebe
ku em karibin xelasbûna xwe dest xwe bixin.
Firat Bawerî
