Xweda Yek e

(Li ser şerên mezhebê hate gotin)

Ey musulman ji xew rabe çava vek

Çar alî tevbûye agir Şer û çek

Ûmmet bûye hear bend heftê şeq

Xweda yek e, Îslam yek e, Qur’an yek e

 

Şîî-Sunnî bûne dijmin û hember

Hev dikujin, hev disojin dikin ker

Bi deng û awazên ALLAHÛEKBER

Xweda yek e, Îslam yek e, Qur’an yek e

 

Ka adalet, ka biratî’w wekhevî

Şewat û hevgirtin ji nav me revî

Di vî wextî îman bûye bi devî

Xweda yek e, Îslam yek e, Qur’an yek e

 

Ey Tekoşîn çî ye ev şîn û girîn

Birakujî din av dil de bû birin

Feyde nake sed şîret û xwe dirîn

Xweda yek e, Îslam yek e, Qur’an yek e

 

Mehmet Beytut AYDIN

(Tekoşîn)

21 Cotmeh 2013