Ji Nûbiharê: Suhbeta Sed Eşîran

ziman Agahîyên Nû Leave a comment 58 Views

Abdulkadir Kızılkaya (Gûzereşî)

83 salî ye. Derbarê eşîr, malbat, kesayet, gund, coxrafya û dîroka Colemergê de xwediyê agahiyên gelek cuda ye.

Bûyerên li van deran qewimîne, bi cih, bi sal û bi nav dizane.

Bi salan çi rûbirû, çi jî bi rêya telefonê ji rûspî, maqûl û mezinên eşîran agahî girtine û nivîsîne.

Ev pirtûk xebateke dîroka devkî ye.

Di vê pirtûkê de behsa gelek gundan û serokên eşîran tê kirin.

Abdulkadir Kızılkaya di vê pirtûka xwe de behsa bûyerên li herêma Colemergê qewimîne, mijarên dîrokî, folklor û kelepûra herêmê kiriye.

Agahiyên xwe bi uslûba sohbete dide; di vê pirtûka xwe de, bi hin peyvên berzebûyî, yan jî hatine jibîrkirin zimanekî dewlemend bi kar tîne.

ISBN: 978-625-6605-17-6

Sayfa Sayısı: 200

Dil: Kürtçe

Kategori: Araştırma

Ebat:13.50, 21.00

Kapak: karton

nubihar.com

Nivîskar Faîk Ocal pirtûka xwe ya nû ya Kurdî ya bi navê “Çîrokên Axa Min” çap kir.

Ev pirtûk ji aliyê Weşanên Sîtavê ve hat çapkirin û edîtoriya wê Îsmaîl Dîndar kiriye. Pirtûk ji 60 kurteçîrokan pêk tê. Faîk Ocal ji Semsûrê ye û di vê berhemê de xwendevanan dibe herêma xwe. Di çîrokan de çanda Semsûrê, jiyana eşîra Kosan, xwezaya Çiyayê Spî, kevneşopî, folklor û bîranînên herêmê cih digirin. Di çîrokên “Xweziyên Çiyayê Spî”, “Rêwiyê Çiyayê Spî” û “Hevalê Çiyayê Spî” de Çiyayê Spî derdikeve pêş. Her wiha çîrokên “Giloka Ferêt”, “Pîj”, “Kirkît” û “Teşirêse” çand û mîrata Semsûrê nîşan didin. Ocal tiştên ku li deşta Semsûrê û li Çiyayê Spî dîtine û jiyane, di forma kurteçîrokan de vegotine. Di her çîrokê de bîranîn, hest û êşeke mirovî heye. Taybetiyeke din jî ev e ku hemû çîrok li gorî devoka Kurmanciya Semsûrê hatine nivîsandin. Pirtûkên Kurdî yên Faîk Ocal ev in: 101 Romanên Kurdî (Cilda 1, 2022) 101 Romanên Kurdî (Cilda 2, 2024) 101 Çîrokên Kurdî (2024) Asmîn (2025) 4 Başar 45 Çîrok (2026) Çîrokên Axa Min (2026)