Her sal zêdetirê 7 milyon însan ji ber vexwarina cixareyê dimirin

ziman Agahîyên Nû, Tenduristî Leave a comment 519 Views

Rêxistina Tenduristiyê ya Cîhanî (WHO) daxuyand ku li dinyayê her sal zêdetirê 7 milyonî însan ji vexwarina cixareyê dimirin, maliyeta vexwarina titûn û mamulên wê li dinyayê zêdetirê trilyon û 400 milyar dolarî ye.

WHOyê bi minasebeta “31ê Gulanê li Dinyayê Roja Bêtitûn” raporek weşand.

Di raporê de bal kişnadin ser mirovên ji ber vexwarina titûn û mamulên wê dimirin û hat gotin ku her sal zêdetirê 7 milyon însan ji ber vexwarina cixareyê dimirin.

Dîrektorê Giştî yê WHOyê Margaret Chan derbarê mijarê de daxuyand ku, ji ber vexwarina cixare û mamulên titûnê xizanî zêdetir dibe, zirarê dide xwarin û vexwarina maliyan û hewa malê qirêjî dike.

Nivîskar Faîk Ocal pirtûka xwe ya nû ya Kurdî ya bi navê “Çîrokên Axa Min” çap kir.

Ev pirtûk ji aliyê Weşanên Sîtavê ve hat çapkirin û edîtoriya wê Îsmaîl Dîndar kiriye. Pirtûk ji 60 kurteçîrokan pêk tê. Faîk Ocal ji Semsûrê ye û di vê berhemê de xwendevanan dibe herêma xwe. Di çîrokan de çanda Semsûrê, jiyana eşîra Kosan, xwezaya Çiyayê Spî, kevneşopî, folklor û bîranînên herêmê cih digirin. Di çîrokên “Xweziyên Çiyayê Spî”, “Rêwiyê Çiyayê Spî” û “Hevalê Çiyayê Spî” de Çiyayê Spî derdikeve pêş. Her wiha çîrokên “Giloka Ferêt”, “Pîj”, “Kirkît” û “Teşirêse” çand û mîrata Semsûrê nîşan didin. Ocal tiştên ku li deşta Semsûrê û li Çiyayê Spî dîtine û jiyane, di forma kurteçîrokan de vegotine. Di her çîrokê de bîranîn, hest û êşeke mirovî heye. Taybetiyeke din jî ev e ku hemû çîrok li gorî devoka Kurmanciya Semsûrê hatine nivîsandin. Pirtûkên Kurdî yên Faîk Ocal ev in: 101 Romanên Kurdî (Cilda 1, 2022) 101 Romanên Kurdî (Cilda 2, 2024) 101 Çîrokên Kurdî (2024) Asmîn (2025) 4 Başar 45 Çîrok (2026) Çîrokên Axa Min (2026)