çiya niqutî dilê min
ez xistim bin sîwanê
derewên ji hezar salan ve
bi deshilatiya qesasiya zemên
li çiyê hatibûn barkirin
bê fikirîn dihatin reşandin,
bi ser mirovên derewîn de
tevî barên ji qonaxên zemên lêkirî
çiya di tevahiya bihurdekên zemên de
xwe dikir star;
kaşikên cêwîk
bi dilnizmiya fîlozofên mirovperwer
ji mirovahiyê re feda dikir
giraniya ji destên aferîdan lê werqilîbû
ew hêrs dikir;
dikir ku giraniya hezar salan
di bihurdekên zemên de
li ser mirovên bêar bê verîşîn
jiyanên derewîn
dibin kavilên hêrsa hezar salan hewandine
bêne eciqandin
hetîketî û tiraliya bê mane
encex wisa paqij dibû
û
şênî bi derewên xwe dihesiyan
31 Gulan 2002
Salih Turan
Dayik Bê Roj in
Weşanên Noş
Hezîran 2014
Gotara berê: Hosteyê hostan: Qere Hecî (Ali Güçlü)
Gotara piştî: Cemil Bazidî Turan Xelata UNESCOyê Girt
Gotarên Têkildar
Giringiya edebiyatê di struktura netewî de tiştekî zêde zêde mezin e
