Halepçe | Helbest

Îroj şazdê edarê ye
Îroj roja hewarê ye

Ewî bênamûsê Sedam
Kurdên feqîr kir qetlîam

Bi çek û bombê kîmyeyî
Gelek Kurd kuşt ewî seyî

Wî zalimê pîsê şedîd
Pênc hezar kurd kire şehîd

Çi mesîhî çi misilman
Çi bê dîn û ehlê wijdan

Me bi çavên serê xwe dî
Kes li Kurdan nebû xwedî

Herkesî ev kir temaşe
Kesî negot ev tişt şaş e

Ewê rojê li Helepçe
Can û cîger tev bûn perçe

Hinekê wan ji ber qehrê
Pirê wan jî ji ber jehrê

Barkirin çûn ji nava me
Agir berdan hinava me

Hinek tiştên dinê hene
Jan û êşên wan zêde ne

Wek jenosîda Enfalê
Naxwazim ez bikim qalê

Dused hezar kes ji Kurdan
Dev ji jiyana xwe/ş berdan

Kuşte ewî pîsê xebîs
Wî zalimê dostê îblîs

Bizan ew hal hîn ew hal e
Enfal jî hîn ew Enfal e

Ez meselê nekim dirêj
Bi gotinan we nekim gêj

Lanet were li zalima
Çav birijin bibin ‘ima

Van gotinên min Embarî
Qebûl kin hûn bi dîyarî

Diyadin Akdemir