Pirtûka “Henek Menek” Weşiya

Pirtûka sêyemîn a nivîskar, akademisyen û mamoste Zîwer Îlhan bi navê “Henek Menek” ji alîyê 40 Kitap Yayınevi ve hate weşandin.
Berhem, bi şêweya dram û komedi hatîye nivîsandin û ji şano û kurteşanoyan pêk tê.

Şanoyên di berhemê de:

• Pênç Dahn Mahne,
• Xistexane,
• Mîrqendo,
• Zirfeqe,
• Têkoşîna Komelê.

Kurteşanoyên di berhemê de:

• Azmûn,
• Xwazginî,
• Dikana Peyasê,
• Qandîla Bizikreşî,
• Şaşomaşo,
• Destê Xwe Nede Qur’anê,
• Tu Çi Yî?,
• Şerê Kemençê.

Di van lîstikên şanoyê de nivîskar; bêtir bawerîyên çewt yê dînî, gelemora nasnameyê û kesên durû derdixe pêş. Nivîskar reheke xwe berdaye dîrokê, mijar û bergehên modern bi dest xistiye û wan tîne ber motîfên niştecih ku nakokî derkevin holê. Bi vî awayî nivîska xwestiye ku bikenîne û perwerde bike.

Nivîsa li ser berg
Henekên rexneyî, hilbijartineke hebûnî ye. Peyv û hevokên edebî bi xêra honaka şanoyê dest bi guhertina hiş, hest û derdorê dikin. Temaşevanên şanoyê perçek ji civakê ne û ku berhema edebî bandorê li wan dike êdî guhertin ji wê şanogehê dest pê dike.
Kurd rexnok, ji dil û henekvan in. Helbet wê şanoya Kurdî jî wilo be.

Kunyeya pirtûkê:

• Navê Pirtûkê: Henek Menek – Şano
• Navê Nivîskar: Ziver İlhan
• Navê Weşanxaneyê: 40 Kitap
• Çapa 1.: 2022
• Kaxiz: 60 gr. Enso Creamy