Li Hêvîya Te

ez ne birçî me ne tî
lê li rojiya remezanê
dilê mirov dibije te
berî fitarê
em li hêviya te ne
sebra min e xwegirtina li te

Stara bêkesan e, hewşa mizgeftê
mala bêmalan e, xemgeha şînê
di bin konê teaziyê
çavê mirov li te digere
vejîna min e mewlûda te

qîma me nayê
ku tu rojiyê bi me re bigirî
û eydê bi hineke din re bikî
bêhna mirov bi te derdikeve
sibeha eydê
ku tu ji nimêjê tê eydaniyê
bêhna hêvîyê tê
ji pîrozbahîya te.

Zîwer Îlhan