Nivîskarê Kurd bi video dengê xwe gihande rewşenbîrên Awûstralyayê

Nivîskarê ji Rojhilatê Kurdistanê Behroz Bûçanî, ku li kampeke pebanran tê girtin, ji bo Festîvala Nivîskaran a Melborn a Awûstralyayê gotareke bi vîdeoyî amade kir.

 

Biryare roja 29ê Tebaxê li bajarê Melborn a Awûstralyayê Festîvala Nivîskaran were sazkirin. Nivîskarê Kurd Behroz Bûçanî, ji ber nikare beşdarî festîvalê bibe bi rêya video gotarek amade kir û ji festîvalê re şand.

 

Nivîskarê Kurd Behroz Bûçanî, sala 2013ê ji bo here Awûstralyayê derkete rê lê hikûmeta wî welatî nehişt ew derbasî welat bibe, ji lewra li girava Manus a di kampeke penaberan de ma.

 

Bûçanî, ku di heman demê de rojnamevan û derhênerê sînemayê ye, li vir pirtûkek bi navê, “Ji bilî çiyayan ti hevalên me nînin” nivîsî. Pirtûka nivîskarê Kurd di destpêka vê mehê hate çapkirin û bala gelek xwendekaran kişand.

 

Pirtûka Bûçanî li ser helbest, çîrok û bîranînên wî yên rojane ne, behsa ezmûna jiyana 5 salan a li kampa Manusê dike.

 

Li gorî daxuyaniya amadekarên festîvalê, Behroz Bûçanî hevpeyvîneke vîdeoyî jî li gel Arnold Zable yê çalakvanê mafê mirovan, saz kiriye.

 

Pirtûka nivîskarê Kurd berhemê 5 salan e, ku nivîsên wî yên kurt li ser torên civakî jî hatine parvekirin. Umêd Tewfîq jî pirtûk wergerandiye zimanê îngilîzî.

Rûdaw