Weys, lajê Menaf o
Vergê dûzan û neqeban o
Dişmenê tîzkerandê began o
Lo Weyso, Weyso, Weyso…
Weys, laserê dereyan o
Şêrê deştan û koyan o
Tişkê xezalandê kemeran o
Lo Weyso, Weyso, Weyso…
Weys, sermiyanê dewijan o
Mîrê merdan û weşeyan o
Belayê mifrezeyandê lejkeran o
Lo Weyso, Weyso, Weyso…
Weys, gülleyê çiman o
Mergê nerindan û bêbextan o
Waşteyê xortandê sersokanan o
Lo Weyso, Weyso, Weyso…
Weys, omidê bêçaran o
Axûyê kerpeyandê koran o
Vilika vamirandê wesaran o
Lo Weyso, Weyso, Weyso…
Helbestvan: Fehman MİRXAN
Nuşteyê peyênî: Jew Wesar
Nuşteyê Pêwendîdaran
ŞEWDIRÊ TO B’XEYR XANA MI-ŞÎÎRE
