Duşem , 21 Îlon. 2020

Zimanê Kurdî (Helbest)

Tu çiqas şirîn î,çiqas xweş î

Mîna xalîçeke nexş bi nexş î

Mîna cihêzê qîzeke çavreş î

Mîna dayka min gul û geş î

Tu hem beybûn î,hem binevş î

Tu mîna siwarekî kubar î keleş î

Tu mîna hespekî kihêl î reş î

Te ewqas tîr û kevan xwarin

Tu hîn dibezî hîn dimeşî

Tu avêtin ji çapxana

Tu bûyî benîştê ser etara

Ketî devê nezana

Lê te xwe parast bi awakî zana

Xanî bi Mem û Zinê tu aniyî pirtukxana

Herîrî tu kirî devê helbestvana

Feqîyê Teyran bi Hespê Reş Dayî rihwan li meydana

Erebê Şemo bi Şivanê Kurmanca

Dayî nasin bi nîşana Qanadê Kurdo pesnê te da

Li ba kurdîzana

Tu Gumriyê hatî xewna

Heciyê Cindî Li sêwixana

Ber sûra Amedê gel kalemêra

Li çayxana

Tu mîna şekirekî Şamê heliyayî

Li ser zimana

Bi pênûsa Osman Sebrî, Nûredîn Zaza û Qedrîcan Zarînî û qîrînî ya te ket nav

Hewara Bedirxana

Bi hestên Cegerxwîn tu ketî devê ciwana

Ketî şevbêrkên Dengbejan li diwana

Tu ketî devê Evdal di nav miqam û strana

Tu bûyî kilam di nav têl û tembûrên hozana…

 

Yücel Aslan(Koçer)

Derbar çandname

Avatar

Dikarê vê jî bixwênê

Gelek Kurd ji mîkrofonên qenalên kurdî ditirsin

Bernameçêker, Mehdî Mutluyî ji Ortadogu Newsê re diyar kir ku naveroka bernameyan qasî teknîkê pêş …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.