Pazartesi , Mart 1 2021

Yekbûna Govde

Ji bo ku weko nîvekî tu bi nîvekî din re bibê yek

dibê hemî pêjnên li dor te dihêwirin

Dê û bavên te

heval û hogirên te

civak û ola te

Giş hajî gava te hebin

Lê heya ku ew tev agahdar dibin

Û erê kirina hemiyan

Li ser rûpel û belgeyan têne komkirin

Tu ji dobareya lavên razîbûnê Sist dibê

Vîna laşê te Lawaz dibê

Zimanê xwastekê Lal dibê

Coş û amade bûna derûniya te

Bi ser de

Alava Hesitên te yên  pîjokiyî jî

ji bendewariyê sar dibê

Û li dawiya xelekê

Wek ku çawa karwanên koçeran li dawiya buharê

ji zozanan bi dilekî sar dadıgerın

Wêneyên regezî jî

ji meydana Govdê te

bi êş û kuzûr

hêdî hêdî bardikin.

_____________________

Pîjokî: yanê regezî, siksî.

 

MAJÊD A MIHEMED

About baweri

Avatar

Check Also

Pêşberî!?

Tenê bo te..! Payeyên balkêşiyên hestan çokên xwe dînin Û xwedawendên viyanê Ên ku li …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir