Xem Mexwe

Yusifê winda dê vegerê Ken’an, xem mexwe

Beyta kerban dê bibe baxê gulan, xem mexwe

 

Dê baş bî j-vî halî ey dilê b-xem, şayiş meke

Dê bi hedinê ev şêtî û aran, xem mexwe

 

Hê jî ne qulibe felek, ji bo me ra bistek

Dê mîzan namîne heman her dewran, xem mexwe.

 

Dê were bihara rengîn, li ser evan kula

Ey bulbul tê gulan bike sîw sîwan, xem mexwe

 

Nebe reşbîn zinhar, ne tu yî ji ğeybê haydar

Bi perdene xeredê pin û pinhan, xem mexwe

 

Heger bi ‘eşqa Ka’bê tu bi meşê li çolan

Pîyê te bi keve strîyê muğîlan, xem mexwe.

 

Bi fîrqeta yar hebîb kete haleta xembar

Bi vê agah e Rebbê Raqîb bi zan, xem mexwe

 

Xerq bibe jî xîma jînê bi lehiya mewtê

Nuh e kaptan, naxwe netirs ji tofan, xem mexwe

 

Rê tije xetere, xaye gelekî dûr jî be

Nîne rêyek bêdawî û bêpayan, xem mexwe

 

Di gûşê hêjarî, tenêtiya şevên tarî

Hafiz, tu wird bike di’a û Qur-an, xem mexwe

 

Hafiz Şîrazî

Werger ji Farisî: M.Emîn Zeynî