Sêşem , 29 Îlon. 2020

Veger Were

Veger were evîndaram.

Te min u welatê xwe hêşt û tu çûyî,

Ez li pey te digerim, te nabînim,

Di kuçe û kolanan de digerim,

Tu tuneyi, evîndara min tu tuneyî.

Ez pirsa te biroj ji rojê

Bişev ji hîv û stêran dikim,

Ez li te digerim

Ji berf u baranê te dipirsim

Ez bi şev û roj li te digerim,

Ax, ax ez westiyam, tu tuneyî

Veger were evîndara min veger were

Ez di newal de û li kendalan digerim

Pirsa te ji av, çîmen u gulan dikim,

Veger were delala min,

Can u rihe min, hesreta dile min

Veger were,

Sal û demsal bihurin, çîmen şîn bûn,

Daran gul vekir, evindaran destên hev girtin

Were cane min, were em jî bi desten hevudu bigrin,

Ez weki dildareki delodin li pey te digerim,

Pirsa te dikim, di çavên min de hêstir dibarin,

Veger were delala dile min, narîna min,

Şêrîna min, evîndara min, veger were

Tu çûyi û nehati,

Çavên min ji girîne dê kor bibe

Veger were

Niha tu likurî,

Li xerîbiye, li sirgûnîyê,

Bi hesreta te

Dil û kezeba min şewitî

Veger were, delala min

 

Lokman Polat

Derbar çandname

Avatar

Dikarê vê jî bixwênê

Gelek Kurd ji mîkrofonên qenalên kurdî ditirsin

Bernameçêker, Mehdî Mutluyî ji Ortadogu Newsê re diyar kir ku naveroka bernameyan qasî teknîkê pêş …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.