Duşem , Kewçêr 15 2018
Malper / Wêje / Helbest / Tovên Hêviyê

Tovên Hêviyê

min
sira hêrsa tofanekê di henasa xwe de
veşartî ye
bi salan janên hov
min di qefesa xwe de kedî kirin
toza çaxên xeyalşikestî
daweşand
erdên bejî
bi tovên hêviyê çandin
hevîrê hezkirinê bi kefa destên nasirî
stirihandin
dîwarê zîndanên reştarî
hilweşandin
min sifreya qenciyê li rûyê erdê
raxist
xirabî ji nava min firî
rûmet û hurmet
rastî û duristî
pêşkêşî mirovahiyê kir
bax û bostanên rengavêtî
bi çîçekên dilovaniyê
xemilandin
perdeya demên bêoxir
veçirand
li ber neynika giyan
porê stêrkên xemgîn şeh kirin
min bafirokên şadiyê li ser çiyayên qendîlê
hilfirandin
li şevereşên xewle pişta xwe spart
çirûskên zanistiyê
di xumxuma çemên bi coş de
bi tililiyan govenda serkeftinê gerand
xweşikiya kenê zarokên bêkes
min di dilê xwe de
herikand

Xizan Șîlan
2018-01-17
Stockholm

 

Hûn dikarin van nivîsan jî bixwînin.

Ne Helbest e

Nizanim di kevera dile kê ve daliqandî ma me Ew kê ye dest tavêje destê …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir