teyrê baskşikestî

ez teyrekî bê bask im

li çi digerim nizanim

kerî çûye mame li vir

bê xwedî me dinalim

 

çi teyrekî bê çar im

hew difirim bi jan im

li nav hêlînekê bi tenê

bendewarê heval im

 

perkê min yek şikestî

her du çav man bê hêvî

ne dipirse li min kesek

li holê me wek cendek

 

çima ez şerperze bûm

ji kemînê bê hay bûm

çi bikim min xwe tê de dît

giyan li min heram kir

 

çi xweş bûn ew firên azad

bê rawestan li asîman

ku ji kemînê bi hay bûm

ew bask bû hate weşan

 

silavek nedan û çûn

hevrêyên min li asîman

ketim sifreya decal

tenê bûm xurek jî ez

21 Îlon 2005

Salih Turan

Dayik Bê Roj in

Weşanên Noş

Hezîran 2014