Çarşem , Kewçêr 18 2017
Malper / Kovargerî / Şoreşa Zimanê Kurdî Li Rojavayê Kurdistanê-Vejîna Kurd

Şoreşa Zimanê Kurdî Li Rojavayê Kurdistanê-Vejîna Kurd

Di pêşketina miletan de erka herî giring, bingehîn û pîroz hînkirin û perwerdekirina gel bi zimanê wî yê dayikê ye, ji ber ku ziman nasname û hebûna miletan e û di riya wî re raman, çand û kultûra wî gelî ji nifşekî digihê nifşekî din û herweha dîroka wî miletî tê parastin.

Di dirêjahiya dîrokê de Kurd miletekî blindest û ne xwedî dezgeh û destlat e, lewra pêvejoya hînkirin û perwerdekirinê di nava wî de bi zimanê biyaniyan bû û ji neçarî ew fêrî ziman û çanda dagirkeran dibû… Li Rojavayê Kurdistanê, berî 5 salan gaveke dîrokî di vî warî de hate avêtin dema Rêveberiya Xweser sistema xwendina xwe ya taybet li şûna sistema rêjîmê li hemû deverên Kurdî çespand û bi awayekî fermî li dibistanên fermî, ji refa yekemîn a dibistana seretayî heta bi peymangeh û zanîngehê sistema perwerdeyê bi zimanê Kurdî ava kir. Bêguman gelek pirsgirêk û alozî li pêş vê yekê derketin holê, ya sereke jî nebûna mamosteyan bû, lê bi avakirina peymangeh û zanîngehên zimanê Kurdî û derçûna şagirtan, sal bi sal, ev pirsgirêk kêmtir dibe û hejmara mamosteyan û derfetên teknîkî û zanyarî zêdetir dibin.

Li zanîngehê mamosteyên fakulteyan kesên xwedî bawernameyên doktora, majistêr û bekeloryos in ku piraniya wan xwedî ezmûnên salên dirêj ên perwerde û pisporiyê ne, herweha meteryalên ku li wan fakulteyan tên dayîn, ji aliyê zanistî û pisporiyê ve, heman madeyên zanîngehên cîhanê ne. Bêguman bandora vê yekê erênî bû û gelek pirsgirêk çareser kirin lê ne bi giştî… Rêjeya hînkirin û fêrkirina bi zimanê Kurdî, li herêmên Kurdî, ber bi bilindkirinê ve diçe, lê mîna her karekî nû, ev gava pîroz rastî rexnekirin û nepejirandina hin kes û aliyan hat û gelek nakokî li ser rêbaz û şêweya bikaranîna wê derketin holê û hîn jî ew mijara cihê gengeşekirinê ye, lê di hemandemê de em kanin bêjin ku ev xebata hêja firkeke dîrokî ye û xewna miletekî bindest pêk tîne.

PUKmedia

Hûn dikarin van nivîsan jî bixwînin.

Kürt Tarihi Derginin 29. Sayısı Çıktı

Kürt Tarihi’nin 29. sayısında Kürtlerin uzak ve yakın tarihinde yer etmiş önemli şahsiyet ve olaylara …

Leave a Reply

%d bloggers like this: