În , 4 Hezîran 2020

Sirûda Dewleta Bedirxaniyan

Kurd im, Kurdistan im, bi şeref û şan im

Mêrxas û egîd im, bi tac û eywan im

Xwedan ceyş û hez im, bi qewet û heş im

Bi çek û sîlah im, di hemiya cîhanê

 

Qehremanê Kurd im, canfida û merd im

Şûrkêş û rimbaz im, di mexrega meydanê

Meydan li min şa ye, cewlana şêra ye

Biheşt û jiyan e, di rewdê Kurdistanê

 

Kurdistana min şêrîn, bi al û xemla rengîn

Kesk û sor û zêrîn di mezra Botanê

Botan Xwoş cîhan e, baxçe gulîstan e

Mîrê’m Bedirxan e, di bajarê Westanê (Cizîr)

 

Westan xwoş bajar e, bi evîn û dildar e

Cih û meskenê yar e, yara min Kurdistan e

 

Hêzê Kurd hişyar bin, di emrê mîrê kal bin der jîn û fermanê

Mîrê min sultan e, şahê Kurdistan e

Bi edl û  îhsan e, sertaca cîhanê

Cîhana min xêr e, tev maden û zêr e

Wek dûr û elmas e, medin bi erzanî

 

Cîhan bûka salê, suhbet xweş e li balê

Mehra wê giran e, bi fedaiya canî

 

Nîşe: Li gorî agahiyên me bi dest xistî ev sirûda bedirxaniyan ya fermî ye. Ev sirûd (marş) cara yekemîn li vir tê weşandin. Min li ser vê sirûdê lêkolîn kir. Lê min di derheqê vê sirûdê de tu agahî bi dest nexist.                                  

Çavkanî: Dîwana Mela Xelîl (çapnebûyî)

Latînîzekirin: Mela Mihyedîn

ÇANDNAME

About ziman

Avatar

Check Also

Momo û Dizên Demê

Pirsgirêka  herî mezin ya mirovê modern ‘dem/wext’ e. Nikare bi wextê re serî bikişîne. Di …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.