Sêşem , 29 Îlon. 2020

Silhedinê Kurdî

Papa got; “ger hûn herine wê

We kir bindest wê axê

A ku şîr û hingiv jê dibilqijin

Hûnê tev herin bihuştê”

 

Ew ehlê xaçparêz

Civiyan wekî parêz

 

Amade kirin yek artêş

Ji kêfa wê bûn serxwêş

 

Berê xwe dan Rojhilata Navîn

Qet nesekinîn ketin rê ew havîn

 

Ê li wan radibû hember

Wan serjê dikirin bi xençer

 

Ew Frankê xeddar û sitemkar

Ketibûn herema Îslamê bibûn har

 

Ew dewletê misilman dimerixandin

Ê zexm bi hev didan xerikandin

 

Ew hemû dewletê misilman

Tevî ji wan re bibûn xulam

 

Lê li ber van dijminê xebîs

Serî rakiribû yekî gernas û fêrîs

Navê wî bû Silhedînê Kurdî

Ji pêşê wî re digotin Rewadî

 

Ew bû yekî xweşbîn û dadmend

Heman demê de jî zana û aqilmend

 

Hemû gelê cîhanê yê sêwî

Xwe diavêtin dîwana wî

 

Guhdar dikir li gilî û gazinê wan

Carna jî bi wan re digiriya ji dil û can

 

Wan verê dikir bi dilekî xweş û bişadî

Digot; “divê ez li van kesa bibim xwedî”

 

Jê re digotin Siltanê bêqesir

Guh nedida zêr û zîv û sifir

 

Li hemberî zilm û zordestî

Herdaîm tekoşîn dikir bixurtî

 

Ji bom maf û mirovên Îslamê

Ji dest bernedida şûr û qamê

 

Her daîm diajot hespê

Ji Farqînê heta Şamê

 

Ew bibû serokê Misilmanan

Seferek saz kir li ser wan*

Got; ” ew bûn wekî ku gurê ketibû nav pez

Bi hezara mirov serjê kiribûn bi lez û bez

 

Ku bikeve destê min derfêt

Ezê wan bişewitînim wekî pêt”

 

Bi hezara Frenk li Hutîn

Derketin hemberê Silhedîn

 

Silhedîn hespê xwe rakir pêdar

Û bin av wan ket wan kir tar û mar

 

Quds  sitend ji wan Silhedîn

Frenk tev di hev da bûn har û dîn

 

Kete bajarê Qudsê Silhedîn

Ev bû encama bawerî û vîn

 

Ji erdê rakir, bi keys kir xaçê

Got; “hemû ol têne ji hêla Xwedê”

 

Lê ê ku ji bo bihuştê şer dikin

Li vê cîhanê dojeha ava dikin

 

Ji niha pê va hemû dîn û bawerî

Ne ku yekî ji wan bi dest bixe serwerî

 

Wê bi hev ra bijîn li vî bajarê qedîm

Û ji bo jiyanek xweşbînî wî danît hîm

Heştê û heşt sal paşê da

Bangbêj li Qudsê bang da

                                      *Frank   

Emre MÛHARGÎNÎ

www.candname.com

Derbar çandname

Avatar

Dikarê vê jî bixwênê

Gelek Kurd ji mîkrofonên qenalên kurdî ditirsin

Bernameçêker, Mehdî Mutluyî ji Ortadogu Newsê re diyar kir ku naveroka bernameyan qasî teknîkê pêş …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.