În , Pûşper 14 2019
Destpêk / Wêje / Helbest / Şengebîyê

Şengebîyê

Va ye can bidesta min tê

Spîbextê min digel hiltê

Dil nema di sîng de hiltê

Hawar ji destê evînê

Va ye jankuja min hat

Ronahî da zinar û lat

Jê re dil û can kir xelat

Dermanê jana birînê

Min dil da dîlbera reşçav

Li min sotand dil û hinav

Borî li min nekir silav

Xema nexe xemrevînê

Reşçavan dîn û har kirim

Bê şûn, cih û war kirim

Bê hiş û bê zar kirim

Te ez dînkirim lê dînê

Şengebîya min negrî

Çê nabe bigrî canperî

Ronî hilê, wê tarî bimrî

Hilnede aleya şînê

Firîşta bihiştê Şengebî ye

Nazika şeng û perî ye

Kulaha hêvîyan, zerî ye

Qendê gezoyê şîrînê

 

Mihemed Hesko (Birasoz)

17.10.2018. Almanya

Derbar ziman

Avatar

Dikarê vê jî bixwênê

Cejna Newrozê ye. Destpêka Nû Salê ye

Cejnê Cejnê Cejnê Xanê rok hat bejnê Cejna Newrozê ye Serê nû salê ye Va …

Bersivekê binivîsin

Your email address will not be published. Required fields are marked *