În , 25 Îlon. 2020

Qur’an Çi Ye? Tarîfa Wê Çawa Ye?

Qur’an tercumeyeke ezelî ya vê kitêba mezin a kaînatê…

Û tercumana ebedî ya zimanên cûrbicûr ên ku ayetên tekwînî dixwînin…

Û mufessira vê kitêba alema xeybê û şehadetê…

Û keşşafa xezîneyên manewî yên esmayê Îlahî yê ku li erd û esmanan nepenî ne…

Û mifteya heqîqetên ku di bin riste û rêzên hedîseyan de muzmer in, veşartî ne…

Û di alema şehadetê de zimanê alema xeybê…

Û xezîneya xîtabên ezelî yên Subhanî û îltîfatên ebedî yên Rehmanî, yên ku ji aliyê alema xeybê ve tên, ku di pişt perdeya vê alema şehadetê ye…

Û tav, temel û hendeseya vê alema manewî ya Îslamiyetê…

Û nexşeya muqeddes a alema uxrewî…

Û tercemana satih, burhanê qat’î, tefsîra wazih/zelal û qewlê şarih ê zat û sifat û esma û şiûnê Îlahî ye.

Û murebî û perwerdekara vê alema însaniyetê…

Û av û roniya Îslamiyeta ku însaniyeta mezin e…

Û hîkmeta heqîqî ya mirovahiyê ye.

Û hadî û murşîda heqîqî ya ku însaniyetê sewqî seadetê dike…

Û ji însanan re hem kitêbeke şerîetê

hem kitêbeke duayê

hem kitêbeke hîkmetê

hem kitêbeke ubûdiyetê

hem kitêbeke emir û dawetê

hem kitêbeke zikrê

hem kitêbeke fikrê ye.

hem tekane kitêbeke muqeddes, pîroz û cami’ a ku gellek kitêban -ku ji îhtiyacên manewî yên temamê însanan re dikarin bibin mercî’- di nav xwe de dihewîn.

Hem kitêbeke sewamî ya di hikmê kitêbxaneyeke muqeddes de ye ku meşrebên cihê cihê û meslekên cuda cuda yên temamê ewliya û siddîqîn, ûrefa û muheqqîqînan dihewîne û ji wan re yeko yeko rîsaleyekê ibraz û şanî dike ya ku layiqê mezaq û tama di her meşrebekê de ye û wê meşrebê tenwîr dike û ya ku guncavî mesaq û armanca her meslekekê ye û wê teswîr dike.

 

Çavkanî:Mucîzeyên Quranê, Bedîuzzeman Seîdê Nûrsî,

Wer. Ayhan Meretowar, Weşanxaneya Zehrayê, çapa 2yem, r. 8

(Ji Kurdinur.comê hatiye wergirtin)

 

Derbar ziman

Avatar

Dikarê vê jî bixwênê

MEHA REMAZANÊ Û GIRTINA ROJÎYÊ

Qîmeta meha Remezanê çima wûsa zêde ye?  Qur’ana pîroz di vê mehê da înzal bûye. …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.