Pêncşem , 1 Cotmeh 2020

Pirtûka Însan Bi Çi Dijî û Mamoste Medenî

Bi rastî  heger hûn bibêjin bé ma di wêjeya cîhanê de nivîskarê mezintirin kî ye? Di serî de navên ku werin hîşê we yek ji yê ewilin bêguman Tolstoy e.

Tolstoy, hem bi fikr û ramanên xwe, hem bi jiyana xwe,  hem jî bi pênûsa xwe ji nivîskarên din cudatir e. Ew tenê ne nivîskar û oldarekî di dînê xwe de zexm e, di heman demê de qehremanekî baweriyê û şoreşgerekî jiyanê ye.

Her çiqas em wî bi romana Şer û Aşitî binasin jî, pirtùkekî wî ya herî tehmxweş û bayê bilind jî ya bi navê Însan Bi Çi Dijî ye. Ew pirtùk ji çend beşén çîrokan pêk tê. her çîrokek bi tehmek xweştir dimîne li ser zimanê mirov. Bi rastî ji zaroktiya xwe ve heya niha nizanim min çend caran ev pirtûk xwendiyê, hê jî jê têr nebûme. Dîsa dixwînim û dîsa dîsa…Êdî vê carî min bi kurdî xwend, bi zimanê dayika xwe, bi zimanê xwe.  Axx nizanim bê çiqa xweş bû hevalnooo.

( Ezê bandora wêjeya kurdî ya li ser çîrokeke vê pirtùkè an em bêjin bandora Tolstoy li ser nivîskarên kurd di nivîsekeke din de ji we re qal bikim. )

Niha em werin ser wergerê vê pirtùke Mamoste Medenî Öğüt:
Mamoste,  di dibistana navîn de mamostatiya zimanê tirkî dike. Ew şagirtekî Seydayê Bedîuzeman, bawermendekî xalis, oldarekî rasteqîn, xebatkarekî hêja, xwînerê pirtùkên ezîm, kurdîhezekî bi qîmet, dostekî qadîm, hevalekî ji dil û birayekî ezîz e. Ev çend salé wî karê wergerê daniya ser pişta xwe û di vê rêya pîroz de dimeşê. pirtûka wî yan pêşin, xebata wî yan ewil, pirtùka navdar ya nivîskarê cîhané gewre Tolstoy bi navé Însan Bi Çi DIJÎ ye.

Wî ev karê pîroz di du salan de qedandiye. Her çiqas pirtùk ji biçek rûpelan ji pêk bê, Mamoste bi hûrgîlî du salên xwe dane. Ev jî tê xuyakirin bê li ser xebatên xwe çawa disekine û bi çavekî girîng  çawa lê dinêrê.
Ji xwe gava ku hûn vê pirtùkê bixwînin hûnê van cudabûyina bibînin.

Pirtùk, bi zimanekî zelal, herîkbar, tehmxweş û şêrîn hatiye wergerandin. Şêweya Mamoste Medenî  kurdiyekê xas û qewîn e. di her peyvê de bêhna axa welet heye. Bêhna kulilkén behîvan û awaza kewén gundan heye.
Şanaziya kurdîtiyê û wesfedana wêjaya bêxwedî heye. Ez heme , tu heyî hûn hene.  Werin xwe binasin.
Ev pirtùka hêja ji nav refên Weşanxaneya kar û xebatên pîroz û mala hemù nivîskaran NÛBIHARê derketiye.

Em li benda xebatên Mamoste Medenî yên halo bi qîmet in. Însaellah di wextekî nêz de  yê Suc û Ceza jî pêşkêşî me bike.

Di vê riya ronî de serkeftin birayé ezîz. .

Derbar candame

Avatar

Dikarê vê jî bixwênê

Nirxandina Pirtûka Helbestên Occo Mahabad ”RONDIKÊN BINEVŞÊ”

Nirxandin nirx e, qîmet dayîn e. Li cem mirov tiştên bi nirx/qîmet girîng in. Mirov …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.