Sêşem , 29 Îlon. 2020

Pîr Şalyar (1006-1098)

Pîr Şalyar yan Pîr Şehriyar ku bi Pîrê Şalyarê Hewramî navdar bû, yek ji pîr û mezinên ola yarsaniyan bû. Navê wî Xudadad kurê Camaspeyî ye. Ew di sala 1006-ê de li Hewramanê ji dayik bû. Ew di xortaniya xwe de çû Loristanê bo cem Şa Xoşênî ku rêberê ola yarsaniyan bû û sê salan li wê derê ma. Ew li ser daxwaza Şaxoşênî vegriyaye Hewramanê û li wê derê bîrûbawerên yarsaniyê belav kirin. Ew di zanistê kelam û mentiqî de bispor bû û di sala 1098-ê de mir. Hinek wî wek rêberê zeredeştiyan yê herî dawiyê yê li Hewramanê bi nav dikin.

Pîr Şalyarî kitêbeka şîretan bi navê »Marîfeto Pîr Şalyar« bi kurdiya goranî li pey xwe hiştiye û ew li cem hewramaniyan pir pîroz e û li wê derê hene dibêjin ku ew ji Qurnê kevnitir e, ji be ku îslam piştî hîngê gihaye Hewramanê. Beyt, bend û şîretên Şalyarî yên di wê kitêbê de hene ji zardevê xelkê hatine wergirtin û nivîsandin. Tama zeredeştiyê di helbestên Pîr Şalyarî de zal e û kurdiya wî ji erebiyê pak e û ev bi dîtina hinekan têt wê wateyê ku hêj di serdemê wî de ola îslamê negihabû devera Hewramanê.

Pîr Şalyar li cem xelkê Hewramanê wek welî û mirovekê xwedî keramet têt nas kirin û goya wî gelek nexweş sax kirine û lal bi ziman xistine. Cejna Pîr Şalyarî li Hewramanê li cem mezarê wî li nîva buharê û li nîva zivistanê, hercarê bi dirêjahiya sê rojan têt kirin.

Çavkanî:
– Mêjûy Edebî Kurdî, Dr. Marif Xeznedar, bergê yekê, weşanxaneya Aras, Hewlêr, 2001.
-Cewad Mifred Kehlan, http://far-hang.blogspot.com/2007/01/blog-post_28.html
– Hewraman û Pîr Şalyar, http://www.xoshawisty.mihanblog.com/post/61
– Foto: tici.blogfa.com
Amadekirin: Sidqî Hirorî

Derbar çandname

Avatar

Dikarê vê jî bixwênê

Gelek Kurd ji mîkrofonên qenalên kurdî ditirsin

Bernameçêker, Mehdî Mutluyî ji Ortadogu Newsê re diyar kir ku naveroka bernameyan qasî teknîkê pêş …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.