Sêşem , 29 Îlon. 2020

Pervin Çakar: Destana Kurdî pir zengîn e û kêrî opera tê

Pervin Çakar dengbêja opera ya Kurd, bi dengê xwe yê zelal û bilind karîbû cihê xwe di nav hunermend û dengbêjên mezin yên muzîka klasîk bigire.

Li Îtalya, welatê ku Çakar lê dijî, wê xelata yekem ji baştirîn dengê jinan re wergirt û beşdarî gelek operayên navdar yên mîna Carmina Burana ya Carl Orff’s, Deidamia ya Handel û Mozart navdarên muzîka klasîk ya Ewrupa bû.

Pervin bi xwe ji Mêrdînê ye. Wê bi piştgiriya malbata xwe, li Enqerê derbasî xwendina beşê muzîkê bû û dû re çû Îtalya û li wir beşê opera qedand.

Tevî ku ev neh sal in Pervîn li derveyê welêt e, ew girêdana xwe bi mal û cihê xwe jibîr nake û dixwaze ku ew jiyana Kurdistanê û hest û sawirên wê têxe nav berhemên xwe.

Pervin ji Dengê Amerîka re dibêje destanên Kurdî gelekî nêzîkî karê opera ye û ger kar li ser wan bên kirin, wê bi astekî bilind bên afirandin û bibin opera.

Wê herwisa got, asta dengê wê ya soprano, di asta bilind ya dengbêjiya klasîk de ye û di nav dengên Kurdî de ew ast, wek hunermend Meryem Xanim û Eyşe Şan peyda dibe.

“Hunermendên mezin yên wek Nîzamattîn Arîç, Ganî Mîrzo, Aynur Dogan û Tara Caf di nav Kurdan de hene ku berhemên wan bi asteke bilind hatine afirandin û ew dikarin li ser dikên navnetewî bên strandin.. 

Xecîcan Ferqîn

Derbar çandname

Avatar

Dikarê vê jî bixwênê

Dengbêjekî Ciwan: Hemê Hecî

Dengbêj û dengbêjî di çanda Kurdî de cihekî pirr girîng û ji aliyê ziman ve …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.