În , 4 Hezîran 2020

Pelên Rojê

Zelaltirîn hestên xwe wek xûnavê

Ji pêlên rojê diherikînim hêdî hêdî

Li ser belgên dara stûxwar

Hesret û hêviyên min

Li dora çerxa gerdûnî dizivire

Ji tixûbên dorhêlek ne diyar

Xwe li hev dialînin bêçare

Mîna robaran hezar çepûçûran didim xwe

Sirûşt bi her çar dêmên xwe ve bêdeng li me dinêrin

Bîranînên serjêkirî ji te xelat

Li defa singa min dixin

Her weku xencer ji te dûr

Dilê min mîna bajareke girtî

Ji newqa robareke serxweş

Fêrî nalina şevên xewrevîn dibim

Ka tû bêje can êdî çawa

Ji mizgîniya sibehên ronî bawer bikim…

HAVÎN ACAR

About baweri

Avatar

Check Also

PÎVAN Û BANDORA HELBESTÊ-2

Helbestvan hêvî û nasnameya welatê xwe, remza egîd û comerdiyê ne. Xwediyê dilên pak û …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.