Sêşem , 20 Cotmeh 2020

NUŞTEYÊ VERÊNÎ

Folklor zaf muhîm o, kok û rîş û rîşteleyê kulturê şarî tewr pak û îsbatkerde folklor de muhafeze benê, asenê. zafê miletan seserra 19 û 20. de zemînê folklorî ser o miletbîyayîşê xwu îsbat kerd. La esas foklor hetê qaydeyanê ziwanî ra zaf muhîm o, çimkî qayde û xususîyetê eslî yê ziwanî tewr baş û bi hawayêko orîjînal folklor de muhafeze benê. nika sanikê kirdkî (kirmanckî, zazakî, dimilkî) sey otorîteyêkê esîlî qilawuz û rêberê tewr sereke yê qaydeyanê kirdkî yê. û çîyo hîna muhîm, eke folklorê kirdkî nê serran de arênêdîyo, zaf ney belkî panc serrî, tewr zêde des serrî badê pey ma biwazin zî êdî ma nêeşkenê çîyêko pak peyda bikin. coka weşanxaneyê roşna, ancî rojnameyê newepelî arêdayîşê eseranê folklorîkan zaf muhîm vîneno.

Kitabê diyin ke weşanxaneyê roşna ra weşanîya, bi nameyê “nuşteyê verênî” yê cemal pîranijî yo. kitab di 17 nuşteyî, ancî vateyê verên û yew zî roportaj esto. cemalî nîmeyê serranê 1990yan de dest bi nuştişê kirdkî kerdo. o wext rojname û kovaranê cîya-cîyayan de nuşto la şertan ver nêeşkayo nuşteyanê xwu arşîv bikero, xwu het muhafeze bikero. esas hetêk ra zî ma kurdan de kulturê arşîvkerdişî zaf kêmî yo, çin o. coka cemal pîranij bîy çend serrî ke bi ardimê hevalan û nas û dostanê xwu nusxayanê kovar û rojnameyan dima geyreno ke nuşteyanê xwu biyaro yew ca. qismêk nuşteyê xwu bi no qayde peyda kerdî, la îhtîmal o ke qismêk zî bîyî vindî. seba ke nuşteyê ey yew ca de kom bibê, çîyo tewr muhîm zî, seba ke rewşa ê serran bêro zanayîş, nê nuşteyî sey kitab weşanayê.

  • Kitab:  Nuşteyê Verênî
  • Nûştox:Çemal Pîranij
  • Weşanxane: Roşna

Derbar Rêvebirê Çandnameyê

Rêvebirê Çandnameyê

Dikarê vê jî bixwênê

Kurd Araştırmaları e-Dergisi – 3

Kovara Kurd Araştirmalari bi arîkariya gelek lêkolîner, nivîskar û akademîsyenan û bi naverokek dewlemend, li …