În , 2 Cotmeh 2020

Nef’roşe Dîn û Netew

Welat di nav agir de ye, şiyar be guh bide vir

Serbilind û serfîraz be, nef’roşe dîn û netew

Rastî yakut û elmes e, elmas nede bi kevir

Serbilind û serfîraz be nef’roşe dîn û welat

 

Berjevandiya civakê namûs e, him pîroz e

Serfîrazan ew dane pêş, ji wan re al û doz e

Roja mirin û kuştinê wekî cejna pîroz e

Serbilind û serfîraz be nef’roşe dîn û welat

 

Namus û rûmetê nede ji boy çend rojê dine

Bid’ine te Tehran û Şamê, bi ser de milkê Sînê

Heqiyê bigre bernede heta roja mirinê

Serbilind û serfîraz be nef’roşe dîn û welat

 

Heftê sal yan sed sal bijî talî mirin û gor e

Qelema ezel lê daye ne b’dirav û ne b’izor e

Komek diçe, komek jî tê çûn û hatin bi dor e

Serbilind û serfîraz be nef’roşe dîn û welat

 

Ey tekoşîn qey ne bes e ev qas gilî û gotin

Xûn ji dil tê, hinav bû ker, evan derdan te sotin

Dîn û netewe namus e, namus nayê firotin

Serbilind û serfîraz be nef’roşe dîn û welat

 

M. Beytut AYDIN

(Tekoşîn)

1 Cotmeh 2015/SEMSÛR

Derbar Rêvebirê Çandnameyê

Rêvebirê Çandnameyê

Dikarê vê jî bixwênê

Pendname | Cigerxwîn

Ezê bêjim lê hun dilê xwe megrin, Dinya ne hêja ye emê tev bimirin. Mala …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.