Sêşem , Gulan 21 2019
Destpêk / Wêje / Helbest / Ne Helbest e

Ne Helbest e

Nizanim di kevera dile kê ve daliqandî ma me

Ew kê ye dest tavêje destê min da min ji keverê bifirîne

Firîneke, mîna beybûneke bi per û bask..

Kî ye ew min ji erafa hebûn û nebûnê rizgar bike

Kî ye ew mil dide milê min ê ji hev ketî

Nizanim hêvî û diayên kê min ji  dojeha xwedawendan rizgar dike

Nizanim kîjan xalxalok daxwazên min digihîne xwezawendan

Di olana awazan de denge kê ye ji min re dibe mertal

Gelo ma ez di xewn û xeyalên kîjan nêrgizê de me

Nêrgiza delal, ma ev çakbînî ji delaliya çavên te tevlî min bû ye?

Ne ji te be ez reş im

Ez qetran im

Ne ji te be ez tarîtiya binê goran im

Destê min pê bêhna xwe girê bide nêrgizê

Nehêle ez birevim

Ez ê bi zer û spîtiya te zelal bibim

paqij bibim

geş bibim…

wê xewna reş bike dîroka kevnare

Min ji nû ve biafirîne li ser niştamana xeyalên sor

Xeyalên xemrî…

Min xilas bike, ez muridê xemla te me…

Mustafa Dündar 

Lehî

 3.9.18

 

Derbar ziman

Avatar

Dikarê vê jî bixwênê

Cejna Newrozê ye. Destpêka Nû Salê ye

Cejnê Cejnê Cejnê Xanê rok hat bejnê Cejna Newrozê ye Serê nû salê ye Va …

Bersivekê binivîsin

Your email address will not be published. Required fields are marked *