Pazar , Şubat 28 2021

Nanê Bi Goşt

MELZEME- PÊDIVIYÊN XWARINÊ

Têra 6 kesan

*Ardê genim: Kîloyek

*Pîvaz: 2 serî

*Îsota reş: Kevçiyekî çayê

*Îsota pûlikî: Nîv kevçî

*Goştê çengekirî: kîloyek

*Rihan: Nîv kevçî

*Bexdenûs: Qevdek

*Rûnê malê: 3 kevçiyê xwarinê

*Xwê û av: Têra hevîr

ÇÊKIRINA NANÊ BI GOŞT

Ard bixin teştê, bi qasî ku têra hevîr bike avê berdin navê û bisitrên, heta we hevîrekî wekî  yê nanê şikeva jê peyda kir.

Heta hevîr bîskekê vehese, rûn di taweyekê de bidin ser agir, dema rûn heliya pîvazên xwe yên hûrkirî berdin navê, bila di ber hev de sor bibin. Dema pîvaz di nav rûn de kemidîn, goştên kişandî berdin ser pîvazan, navoşkê her dem tev bidin heta ku goştê we  di nav rûn û pîvazan de pijiya. Gava goşt pijiya, bexdenûs, rihan, îsota reş, îsota pûlikî bixin ser, xwêya wê pê werkin, tev bidin û ji ser agir hilînin. Hevîrên xwe bikin girêk. Van girêkan li ser depê nên vekin bila sewikê we ji yên nanê şikeva hinekî qalintir bin. Her sewikekê bi kêrê  di navê re bikin du kerî. Bi kevçî hinek navoşkê bixin nava nîv kerîyê û li ser raxin, nîvê din bi ser de biqûlibînin û der û dorawan bidewisînin da ku xerc ji navê nekeve. Li ser sêlê yan jî di tawayekê de  ku pêve nezeliqe, binî negore, bipijin.

Dema her du aliyên nanê bi goşt pijiyan, bi firçeyekê rûn li ser bidin û bidin ser hev heta we hevîrê xwe tevde çêkir bi şûn de deynin ber xwarinan.

Noşî can be

About baweri

Avatar

Check Also

Dermanek ji Başûrê Asyayê

Zerdeçal li Başûrê Asyayê hêşîn dibe û wekî zaferana Hîndûyan jî tê zanîn. Zerdeçal bi …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir