Sêşem , 22 Îlon. 2020

Mintiqaya Licê de Nameyê Mewsiman û Aşman

Mewsimî

1.Wesar (n), 2.Hamnan (n), 3.Payiz (n), 4.Zimistan (n)

Aşmî

1.Kanûno peyîn (n), 2.Sibat (n), 3.‘Edar (n), 4.Nîsan (n), 5.Gulan (n), 6.Hezîran (n), 7.Temûz (n), 8.Tebax (n), 9.Keşkelûn (n), 10.Tişrîno verîn (n), 11.Tişrîno peyîn (n), 12.Kanûno verîn (n)

Mintiqaya Licê de “çile (n)” nameyê aşme nîyo, nameyê wextêkê mueyen yê 40 rojanê zimistanî yo; 11ê Kanûnê verînî ra dest pêkeno heta 20ê Kanûnê peyînî dewam keno. Yanî 20 rojê Kanûnê verînî û 20 rojê Kanûnê peyînî benê “çile”.

Çile zî tede nameyê heme aşman û mewsiman neke makî, nêrî yê.

Telafuz de, vengê S yê “weSar”î, “zimiStan”î û “Sibat”î sey Sadê (ص) erebkî, ancî vengê Z yê “Zimistanî” zî sey yê (ظ) erebkî qalind vajîyenê. Çekuya “payiz”î de, vengê “i“yê ke badê “y”î yeno, “î” nîyo. Yanî telafuzê fekê Licê de kes nêvano “payÎz”, vanê “payIz”.

Mintiqaya Licê de wext teqwîmê Rûmî gore yo. Yanî serre teqwîmê Mîladî gore roja 14ê aşma “Ocak”ê tirkan ra dest pêkena. Û heme aşmî bi no qayde roja 14ê aşmanê teqwîmê Mîladî ra dest pêkenê. Yanî gama ke teqwîmê Mîladî de aşme bena 14, mintiqaya Licê de beno serê aşme.*

Roşan Lezgîn-Zazakî.net

__________
*Eno nuşte “Newepel, Hûmare 95, r. 7” de weşanîyayo.

Derbar ziman

Avatar

Dikarê vê jî bixwênê

GIZÊ GAZO – LÎSTIK

Listîka Gizê Gazo bi şiv û çend lîstikvanan tê lîstin. Lîstikvan tev topê ser hev …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.