Sêşem , 1 Hezîran 2020

Meseloka Rovî û Kûsî

Em çawa bêjin, rojekî rovî û kûsî dibin hevalê hev. Bi hev re rêwîtî dikin û diçin. Rovî rojekî pir birçî dibe. Dibê: “Ez çawa bikim û wî kûsiyê bixwim.” Hev dibin tînin. Rovî dibe:

-Birayê kûsî, emrê me kîjanê ku mezin be em ê wî bixwin.

Kûsî dibe:

-Temam birayê  rovî, tu çawa dibêjî em fenanê te bikin.

Kûsî, ji rovî re dibêje:

-Emrê te çiqas e?

Rovî dibe:

-Sala hezar û heşsed û nod û sisê yê de ez hinga xort bûm, di şer de bûm. Dewsa şûr li min ket û ez birîndar bûm. Dewsa şûr ji li pişta min de hê jî birîne.

Li wê derê kûsî dest pê dike û digîrî. Digîrî, digîrî, xwe radike dixe erdê. Rovî dike nake kûsî aş nabe. Paşê bi zorî aş dike û dibêje:

-Birayê kûsî, tu çima digîrî? Te dilê min şewitand.

Kûsî dibêje:

-Te wê herbê xist bîra min, wê herbê de heft heb layê min hatin kûştinê.

Rovî li jor de pa stûyê kûsî mêze dike ku stûyê wî qirçîmî ye. Dibê:

“Min zanîbû wan qirçimê hanê yê îro nînin. Gelekî dûrin..”

 

Menekşe Karabalik-Çandname
www.candname.com

About baweri

Avatar

Check Also

Momo û Dizên Demê

Pirsgirêka  herî mezin ya mirovê modern ‘dem/wext’ e. Nikare bi wextê re serî bikişîne. Di …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.