Perşembe , Ocak 21 2021

Mamik- Tiştonek (1)

Tiştek heye: Sê ling, sê dar
çar ling pê da
duling hat û himik lê da.
Ew çi ye?(1)

Tiştek heye: Hilindir milindir,
law ji bavê bilindtir.
Ew çi ye?(2)

Tiştek heye: Fetlek gîya,
li pişta çîya.
Ew çi ye?(3)

Tiştek heye: Şeş ben û benik,
du nan û kûtlik.
Ew çi ye?(4)

Tiştek heye: Reş e, reş e wek qîr
sipî ye wek şîr,
çê dike kûtlikê jina mîr.
Ew çi ye?(5)

Tiştek heye: çûm û çûm du rêz mirarî,
çûm û çûm du qulê tarî,
çûm ûçûm du çirayên geş,
çûm û çûm meydanek xweş
çûm û çûm du marrê reş,
çûm û çûm çiyakî reş.
Ew çi ye?(6)

Tiştek heye: Kofiya jinxalê,
gêr bû newalê.
Ew çi ye?(7)

Tiştek heye: Hespê qer,
berx li ber.
Ew çi ye?(8)

Tiştek heye: Şikeftek tarî,
têde tijî mirarî.
Ew çi ye?(9)

Tiştek heye: Şîva ter e,
li giwar e.
Ew çi ye?(10)

Bersiv: 

1- meşk û çatme 
2- agir û dû 
3- por 
4- mêzîn 
5- kêzik 
6- serê mirov 
7- pişkul 
8- petêx 
9- dev
10- marr 

Seîd Veroj – kovarabir.com

About baweri

Avatar

Check Also

Pirsên Kalêmêr û Mela Yasîn (Hîkaye)

Mela Yasîn hê nû bibû mela. Ji bo melatiya gundê Qeremûsana Çêrmûgê hatibû tayîn kirin. …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir