Pêncşem , 26 Sermawêz 2020

Di Kurdî de Çend ‘BI’ Hene?

Çend “BI” di kurdî da hene, û kengî bi serê xwe, kengî bi peyvê ve têne nivîsandin?

Bersiv:

Sê cureyên BI’yê hene:

1- BI’ya pêşgir û navgir ya qertafa demî: (dema bê, raweya fermanî…) Ev bi peyvê ve tê nivîsandin.

Mînak:
Ez ê bixwim.
Tu yê bixwî.
Zû bixwe.
Divê em bixwin.

2- BI’ya daçek. Ev bi serê xwe tê nivîsandin û peyva tê serê ditewîne.

Mînak:
Bi kêrê goşt hûr kir.
Bi darê ve hilgerîya banî.
Bi pêlavê hate hundirû.

3- BI’ya bêjesaz (rengdêrsaz). Ev bi peyvê ve tê nivîsandin.

Mînak:
Zilamê biaqil, bi fikar e.
Şêxoyê bidergistî, bi kêf e.
Filankesê birêz, bi rastî jî bi rêz e.

Têbinî:
Filankes birêz e. (Bi erka rengdêrê ye.)
Filankes bi rêz e. (Bi erka hokerê ye.)

Qasimê Xelîlî

About baweri

Avatar

Check Also

ZIMAN ÇI YE?

Ciwanên Hêja? Ev tiştê ku em jê re dibêjin ZIMAN, bûjena ragîhandinê ye ku ji …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.