Duşem , Kewçêr 15 2018
Malper / Giştî / Koçberîya xeyalan

Koçberîya xeyalan

li deryayên nenas masîgirek im
di keleka çîtikî de bi darebêran
bi hêrsa berhevkirina goştê bi dasîk
ji xwe diçim

mil diçin û tên
çav li deryayê zîqkirî ne
li şopa beriqîna avê digerin
ber bi êvaran asê dimînin
av, awêneya rojê ye li wir

koçberiya min e ev
hunê ji ku zanibin diyarî ye
ji rabirduyê maye

piştî êşên bêbext
li dû keda xwedawendî
tevî zar û zêçan
di rojeke şilî û tarî de
piştî li piştê û ketibûm rê

ji wê roje ve bihûşt li min nayên
êşa min kûrtir dikin

tenêtiyê ‘li wir û vir’an dijîm
li rêyeke bê çûyîn û hatin digerim

diçim xeyalên zozanan:
li ber keriyek pêz şivan im,
straneke dengbêjî diqîrim,
hemî lawir li min kom dibin,
çiya bejna xwe ditewînin,
bêyî baskan difirim

ax û wax li min…
gelo çima mirov diveciniqin,
dûv re jî tên ser hişê xwe!

ma xewn û xiyal nikarin demdirêjtir bin
ez ku li benda cîke cîka çûkên beyaniyê me
çima bi vizîniya motoran radibim pê,
xwe li nav qerabalixa mirovan dixim,
bi rojan gêj digerim;
ya talî, dibim sermestê xiyalên xwe

12 Hezîran 2002
Salih Turan
Dayik Bê Roj in
Weşanên Noş
Hezîran 2014

Hûn dikarin van nivîsan jî bixwînin.

Aqil Taca Zêrîn e, Li Serê Me Kurdan Çima Nîn e?

Kitêba Pîroz Mizgînî bi hevoka “Di destpêkê de peyv hebû” dest pê dike. Lê kitêba …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir