Şemî , Tirmeh 21 2018
Malper / Giştî / kindirê celad

kindirê celad

carên ku dînîtî bi kindirê jiyanê xwe li min dipêçe

li hêviya pihîna celadê xwe nasekinim

û dimirim.

lê dema celadê min digihe armancê

û daleqayî dimînim li ser sêdarê

û kes namîne li dor

ez bixwe ve têm

kindir ji ser stû dipekînim

 

hemû aferîdên sêdarê

bi wê sêdara ku

ji bo mirina min hatiye çêkirin

çav bel, stûtewiyayî

bi ser hev de davêjim.

 

wan mêjiyê jahrîkirî

tenê bi pifkirina wî kursiyê

ku dilê celadan lê dipije

dişînim nav arê erdzemînê.

 

li ser vê serkeftinê

hewtikê qilêrî yê hundirê xwe

bi lîlandin û guhdana straneke

xwerû ji hezkirin

û peyvên dildaran ên şîrespî pêk tên

bi ser aferîdên

şûr û mertalên hemdemî ve dirêjim.

 

25 Adar 2002

Salih Turan

Dayik Bê Roj in

Weşanên Noş

Hezîran 2014

 

 

Hûn dikarin van nivîsan jî bixwînin.

bêrî

di pêlên deryaya biyan de rûdêna zêrîn çavên min xilmaş kirin ez bi tevzînoka bayê …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir