Ez vê helbestê bi boneya helkeftina çalakiyên çilrojiya nemir helebestvan û parêzer Xelîl SASÛNÎ diyaî giyanê wî dikim.
Şikarta me her sal bi xwêdan av dida
Çaxê serma ket û bihar hat, sinbil da
Çaxê serma ket û bihar hat, sinbil da
Me çinî me kom kir ne tenê, me tevda
Bahoza te rakir, ji kîna te tev da
Me dêra me hêra, kir hevîr û lêda
Te nîvişk kire jehr te lêkir û têda
Te nîvişk kire jehr te lêkir û têda
Biz dida me bada, kire rîs kir werîs
Te kir mar kire kîs, bi dizî pê veda
Masî kete torê, nêçîrvan li dorê
Bi zirta bi forta û lava ne berda
Siwarê siwara hespê çê dihîra
Berî li Sasûnê, te bela xwe lêda
Lê me dot û paland me meyand û kiland
Bû heyvanê jînê, bû tovw serî hilda
Ê bikê dimînê navê wî li dinê
Xelîl namire hew di gorê de pal da
Keko Osman
13.01.2018 Batman
Welatê Me
